BIZIRAUN, Maite dugun norbaiten suizidioak mindutako pertsonen elkartea / Asociación de personas afectadas por el suicidio de un ser querido Euskal Autonomia Erkidegoko Elkarteen Erregistro Orokorrean erregistratutako erakunde bat da (Erregistro zenbakia: AS/G/20779/2017)

Maite dugun norbaiten suizidioak mindutako pertsonen elkartea gara. 

Badakigu zein gogorra den dolua guretzat, bizirik atera garenontzat. Gure maitearen galera traumatikoari bakardadea gehitzen zaio, suizidioa gai tabua eta estigma izatea eragiten duena gure gizartean. Horregatik, isildutako errealitate honi ahotsa jarri nahi diogu.

Horregatik, konfiantza, komunikazio eta laguntza gune bat sortu nahi dugu. Espazio seguru bat, non pertsona guztiok hizkuntza bera hitz egiten dugun, elkar sendotzen dugun eta beste testuinguru batzuetan adierazten zailak diren esperientziak eta emozioak partekatzen ditugun.

Euskal Herriko pertsona talde batek osatzen du Biziraun; suizidioz hildako maite baten galera bizitzen ari den taldea, eta antzeko egoeran dauden pertsonekin espazio bat partekatu nahi genuke. Horretarako, harremanak estutzen ari gara suizidioaren fenomenoarekin lotutako beste talde bizidun eta profesional batzuekin (osasuna, hezkuntza, komunikabideak, erakundeak, ikerketa...), prestakuntza-ikastaroetan eta dibulgazio-hitzaldietan parte hartuz, gizartea osasun publikoko arazo batean prebenitu, sentsibilizatu eta hezteko.

• Maite dugun norbaiten suizidioak kaltetutako pertsonak babestea eta hartzea.
• Segurtasuneko espazio terapeutikoak sortzea, suizidio bidezko galerak jasan dituzten pertsonei laguntzeko elkarri laguntzeko taldeak (ELT) sustatuz.
• Osasunaren, hezkuntzaren, ikerketaren eta komunikabideen arloko profesionalekin lankidetzan aritzea, suizidioaren fenomenoaren inguruan gizartea prebenitzeko, sentsibilizatzeko eta hezteko.
• Suizidioaren prebentziora, interbentziora edota posbentziora bideratutako ikerketa-proiektuetan parte hartzea.

• Suizidioagatik doluan dauden senideak zaintzea eta orientatzea.
• Elkarri laguntzeko taldeak (ELT) sortzea eta kudeatzea maite dugun pertsona baten suizidioak eragindako heriotzagatik doluan dauden pertsonentzat.
• Suizidioaren fenomenoan sentsibilizatzeko jardunaldiak eta hitzaldiak antolatzea hainbat eragile komunitarioentzat.
• Oroitzapenezko egunak antolatzea.
• Elkartearen talde soziala kudeatzea.
• UPV/EHUren udako ikastaroa antolatzea. 
• Sare eta foro sozialetan suizidioaren prebentzioari, interbentzioa eta posbentzioari buruzko materiala zabaltzea.
• Suizidioarekin zerikusia duten instituzio eta erakundeekin harremanetan jartzea eta sarea sortzea.